նախընտրելի դարձնել
Շվեդ բնապահպան ակտիվիստ Գրետա Թունբերգը, որը Թբիլիսիում իր ակցիան է անցկացնում Բաքվի COP29-ի դեմ, իր աջակիցների հետ տեղափոխվել է խորհրդարանի շենք, որտեղ սկսվել է եվրոպամետ ընդդիմության հանրահավաքը։
Թունբերգի ակցիան հայտարարվել է «կապիտալիստական ագահության», «Կովկասում ավտորիտարիզմի ալիքի» և Բաքվում ՄԱԿ-ի բնապահպանական գագաթնաժողովի անցկացման դեմ։ Թունբերգը հանրահավաքն անցկացնում է Կովկասյան ֆեմինիստական հակապատերազմական շարժման հետ միասին։
«Մենք Եվրոպան ենք» ցույցը Վրաստանի խորհրդարանի շենքի մոտ անցկացվում է եվրոպամետ ընդդիմադիր կուսակցությունների կոալիցիաների և քաղաքացիական հարթակների կողմից, հայտնում է Новости-Грузия-ն։
Ցուցարարներին ակնկալում են, որ իրենց կմիանան ԵՄ ութ երկրների խորհրդարանների արտաքին հարաբերությունների հանձնաժողովների ղեկավարները։
Գերմանիայից, Ֆինլանդիայից, Շվեդիայից, Ֆրանսիայից, Լիտվայից, Լատվիայից, Էստոնիայից և Լեհաստանից պատգամավորներ են ժամանել Թբիլիսի՝ քննարկելու անցած ընտրությունները, զանգվածային խախտումների մասին հաղորդումները, հետաքննության առաջընթացը և ներկա իրավիճակը։ Իշխող կուսակցությունը այցն անվանել է կողմնակալ և հրաժարվել եվրոպացի պատգամավորների հետ հանդիպելուց։
Պատվիրակության հետ հանդիպել են Վրաստանի նախագահը և ընդդիմության ներկայացուցիչները։ Առավոտյան քաղաքացիական ակտիվիստները նախագահական նստավայրում հանդիպել են ԵՄ պատգամավորների հետ։
