Առանց ԱՄՆ օգնության Ուկրաինան կկարողանա ներկա տեմպով կռվել մինչեւ ամառվա սկիզբ. CNN

Ուկրաինայի զինված ուժերը, զենքի մատակարարումը դադարեցնելու ԱՄՆ որոշումից հետո, կկարողանան ներկա տեմպերով ռազմական գործողություններ իրականացնել «մի քանի շաբաթ, հնարավոր է՝ մինչեւ ամառ», հայտնել է CNN հեռուստաալիքը՝ հղում կատարելով արեւմտյան պաշտոնյաների խոսքերին։

Ինչպես նշել է հեռուստաալիքը, ԱՄՆ նախկին նախագահ Ջո Բայդենը պաշտոնավարման վերջին ամիսներին ավելացրել է զենքի մատակարարումները Ուկրաինա, ինչը երկրին ապահովել է ժամանակակից զենքի մեծ պաշարներով։

CNN-ի աղբյուրները նշել են, որ Ուկրաինային զենքի վաճառքը դադարեցնելու Թրամփի որոշումն ուղղակի պատասխանն է Ուկրաինայի նախագահ Վլադիմիր Զելենսկու «վատ պահվածքի», որը փետրվարի 28-ին Սպիտակ տան Օվալաձեւ աշխատասենյակում լեզվակռվի մեջ է մտել ԱՄՆ նախագահի հետ։