նախընտրելի դարձնել
Ռուսաստանի կառավարությունը կքննարկի օրենսդրական փոփոխությունները, ըստ որոնց Ռուսաստանում միասնական տուրիստական վիզայով գտնվելու ժամկետը 16 օրից կավելանա և կկազմի 30 օր, իսկ վավերականության ժամկետը՝ մինչև չորս ամիս: Ըստ Ведомости-ի՝ դրա մասին հայտարարել է ՌԴվարչապետ Միխայիլ Միշուստինը։
Այս որոշման շնորհիվ օտարերկրյա զբոսաշրջիկները կկարողանան ավելի շատ ճանապարհորդել Ռուսաստանում, նշել է Միշուստինը։ Դա նաև կընդլայնի նրանց համար, ովքեր գալիս են բիզնեսի հետ կապերն ամրապնդելու համար։
ՌԴ վարչապետն ընդգծել է, որ զբոսաշրջության ոլորտը երկրում ակտիվորեն զարգանում է, ինչի շնորհիվ ավելի ու ավելի շատ օտարերկրացիներ նախընտրում են հանգստանալ Ռուսաստանում։
Ըստ նրա՝ նախորդ տարի զբոսաշրջային ուևորությունների թիվն աճել է 10 տոկոսով։ Նաև երկրորդ տարին անընդմեջ 64 երկրների բնակիչներ ստանում են միասնական էլեկտրոնային վիզա։ Այս ընթացքում այն թողարկվել է ավելի քան 1 միլիոն անգամ։
Ռուսաստանն օտարերկրացիներին էլեկտրոնային վիզաների տրամադրումը սկսել է 2023 թվականի օգոստոսի 1-ից: Վիզան իրավունք է տալիս երկիր մուտք գործել հյուր կամ գործնական այցով, որպես զբոսաշրջիկ, ինչպես նաև մասնակցել գիտական, մշակութային, հասարակական-քաղաքական, տնտեսական և սպորտային միջոցառումներին:
