Ուկրաինան չպետք է հույս ունենա 1991 թվականի սահմանների վերադարձի վրա, քանի դեռ Ռուսաստանը պատերազմի համար ռեսուրսներ ունի։ Այժմ հաղթանակի միակ ուղին ագրեսոր երկրի ռազմատնտեսական ներուժի ոչնչացումն է։ Այս մասին հաղորդում է 24 Канал-ը՝ հղում անելով Մեծ Բրիտանիայում Ուկրաինայի դեսպան Վալերի Զալուժնիի «Անվտանգության արտահանում. ուկրաինական զենքն աշխարհում» համաժողովում արած հայտարարությանը։
«Հուսով եմ, որ այս դահլիճում այլևս չկան մարդիկ, որոնք դեռ հույս ունեն ինչ-որ հրաշքի, որը Ուկրաինային խաղաղություն, 1991 կամ 2022 թվականների սահմաններ կբերի, և դրանից հետո մեծ երջանկություն կլինի։ Ըստ իմ անձնական կարծիքի, քանի դեռ հակառակորդը ռեսուրսներ, ուժեր և միջոցներ ունի մեր տարածքին հարվածներ հասցնելու և առանձին հարձակողական գործողությունների փորձեր կատարելու համար»,- ընդգծել է Զալուժնին։
Նա հավելել է, որ Ռուսաստանի՝ պատերազմը շարունակելու կարողությունը կախված է նրա ունեցած ռեսուրսներից։ Ըստ նրա, 2023 թվականի վերջից Մոսկվան սկսել է հյուծող պատերազմ վարել։
Ըստ Զալուժնիի, հաղթանակ տանել հնարավոր է միայն Ռուսաստանի՝ մարտական գործողություններ վարելու կարողության լիակատար ոչնչացման միջոցով։ «Ես նկատի ունեմ նրա ռազմատնտեսական ներուժի ոչնչացումը»,- եզրափակել է նա։
նախընտրելի դարձնել
