ՆախընտրելիՊուտինի հեռանալու մասին բոլոր առաջարկները հանվել են Ռուսաստանի նախագահի թեկնածու, երկրի վարչապետ Վլադիմիր Պուտինի նախընտրական կայքից:
Հիշեցնենք, որ կայքը գործարկվել էր հունվարի 12-ի կեսօրին: «Ընտրողների առաջարկներ» բաժնում հայտնվել էին նախագահական ընտրություններից թեկնածությունը հանելու եւ հրաժարական տալու կամ քաղաքականությունից հեռանալու կոչեր Պուտինին:
Բոլոր յոթ հորդորները ստացել էին բարձր վարկանիշ (կայքի այցելուները կարող են գնահատական տալ առաջարկներին), հաղորդում է BBC-ի Ռուսական ծառայությունը:
Օրվա երկրորդ կեսին բոլոր «հակապուտինյան» առաջարկները հանվել են կայքից:
