Ամերիկացի դերասան Ջին Հեքմենին  հեծանվային զբոսանքի ժամանակ վրաերթի է ենթարկել պիկապը: 81-ամյա Հեքմենը հոսպիտալացվել է:

Թեեւ դերասանը սաղավարտ չի ունեցել, սակայն նրան հաջողվել է խուսափել լուրջ  վնասվածքից եւ արագ դուրս գրվել հիվանդանոցից, գրում է  The Daily Mail-ը: Դերասանը կապտուկներ եւ քերծվածքներ է ստացել:  Հեքմենին վրաերթի ենթարկած վարորդին պատասխանատվության ենթարկելու մասին հաղորդում չի տրվել:

Հեքմենը հայտնի է Սուպերմենի մասին ֆիլմերում  որպես չարագործ Լեքս Լյութորի դերակատար: 2004-ին նա հայտարարել է դերասանական կարիերայի ավարտի մասին եւ կենտրոնացել գրական աշխատանքի վրա: