Հարավային Կորեան ապամոնտաժել է Հյուսիսային Կորեայի հետ սահմանին տեղադրված բարձրախոսները։ Yonhap

Հարավային Կորեայի զինված ուժերն ավարտել են սահմանին տեղադրված բարձրախոսների ապամոնտաժումը, որոնք նախատեսված են եղել Հյուսիսային Կորեայի ուղղությամբ քարոզչական հաղորդումներ հեռարձակելու համար։ Այս մասին հայտնել է Yonhap գործակալությունը՝ հղում անելով զինվորականներին։

Նրանց տվյալներով՝ տեղական ժամանակով օգոստոսի 5-ի կեսօրին արդեն ապամոնտաժվել են բոլոր 20 սարքերը։ Զինված ուժերն այս աշխատանքները սկսել են օգոստոսի 4-ին։ Այդ ժամանակ պաշտպանության նախարարությունից հայտնել են, որ միջոցառումն ուղղված է Սեուլի և Փհենյանի միջև լարվածությունը նվազեցնելուն։ Հարավային Կորեայում չեն նկատել գործողություններ, որոնք կվկայեն Հյուսիսային Կորեայի կողմից նմանատիպ սարքավորումների ապամոնտաժման մասին։

Հարավային Կորեայի կողմը նույնպես իր տրամադրության տակ ունի բջջային կրկնիչներ։

Հունիսի 11-ին Հարավային Կորեայի նոր նախագահ Լի Ջե Մյոնգը կարգադրել է դադարեցնել սահմանին տեղադրված բարձրախոսներից հեռարձակումները։ Հեռարձակման ծրագիրը ներառում է նորություններ, Հյուսիսային Կորեայի պետական կարգի քննադատություն, հարավկորեական հանրաճանաչ երաժշտություն և եղանակի կանխատեսում։ Ի պատասխան՝ Հյուսիսային Կորեան դադարեցրել էր աղմուկի վերահեռարձակումը։