նախընտրելի դարձնել
Մահապատժի է ենթարկվել Իրանի մի քաղաքացի, որը համագործակցել է Իսրայելի հետախուզական ծառայության՝ Մոսսադի հետ և տեղեկություններ է փոխանցել մահացած իրանցի միջուկային ֆիզիկոսներից մեկի գտնվելու վայրի մասին, հաղորդում է «Mizan» գործակալությունը՝ հղում անելով Իսլամական Հանրապետության դատական մարմիններին։
Տեղեկատվության համաձայն՝ Իսրայելի հատուկ ծառայությունների հետ համագործակցության համար դատապարտված անձը աշխատել է պետական կազմակերպությունում և գաղտնի տեղեկությունների հասանելիություն է ունեցել։ Նա «Մոսադի» կողմից հավաքագրվել է համացանցում, իսկ այնուհետև մի քանի անգամ հանդիպել է իսրայելական հետախուզության սպաների հետ Վիեննայում։
Ինչպես նշում է գործակալությունը՝ տղամարդը իր աշխատակիցներին ամեն շաբաթ գաղտնի զեկույցներ է ուղարկել իր աշխատավայրի գործունեության մասին և վարձատրություն է ստացել կրիպտոարժույթով՝ էլեկտրոնային դրամապանակին: Այս կերպ Իսրայելի հետախուզական ծառայությունը իմացել է իրանցի միջուկային ֆիզիկոսի գտնվելու վայրը, որը հետագայում սպանվել է 2025 թվականի հունիսին Իրանի վրա Իսրայելի հարձակման ժամանակ, ընդգծում է Mizan-ը:
