նախընտրելի դարձնելՍիրիայում պայթեցվել է բանտարկյալներին տեղափոխող ավտոբուսը, զոհվել է առնվազն 14 մարդ, 32-ը վիրավորվել են: «Սուրիա» հեռուստաընկերության տեղեկություններով` վիրավորներից վեցը ոստիկաններ են: Հաղորդվում է, որ ավտոբուսը պայթել է «զինված ահաբեկչական խմբավորումների» կողմից տեղադրված ականի վրա, Իդլիբ քաղաքի մոտ:
Նշենք, որ մեկ շաբաթ առաջ Իդլիբի մոտ պայթեցվել էր տեքստիլ ֆաբրիկայի բանվորներին տեղափոխող ավտոբուսը, զոհվել էր վեց մարդ, 16-ը վիրավորվել էին:
Իդլիբը համարվում է Սիրիայի ամենալարված շրջաններից մեկը, որտեղ արդեն 10 ամիս շարունակ հակակառավարական բողոքները չեն դադարում:
