նախընտրելի դարձնել
Քրդերի գլխավորած «Սիրիայի դեմոկրատական ուժերը» (SDF) հայտարարել են, որ իրենց հինգ անդամներ սպանվել են Սիրիայի արևելքում ԻՊ-ի զինյալների կողմից հինգշաբթի օրը իրականացված հարձակման ժամանակ, հաղորդում է «Ալ Արաբիան»։
ԻՊ-ի զինյալները, որոնք մի ժամանակ վերահսկում էին Իրաքի և Սիրիայի մեծ տարածքներ, 2019 թվականին Սիրիայում տարածքային պարտություն կրեցին SDF-ի կողմից միջազգային կոալիցիայի աջակցությամբ գլխավորած մարտում։
Սակայն, նրանք պահպանել են բջիջներ, որոնք հարձակումներ էին իրականացնում հիմնականում քրդերի կողմից վերահսկվող տարածքներում։ SDF-ն Սիրիայի հյուսիս-արևելքում քրդական վարչակազմի փաստացի բանակն է։
Կազմակերպությունը հայտարարության մեջ նշել է, որ իր հինգ մարտիկ սպանվել է, իսկ մեկը վիրավորվել է, երբ Դեյր Էզ Զորից արևելք գտնվող իր ուժերի վրա հարձակվել է ԻՊ-ի հետ կապված ահաբեկչական ցանցը։
SDF-ն հայտարարել է, որ իր մարտիկները խափանել են ԻՊ-ի կողմից փորձված ավելի մեծ հարձակումը՝ հավելելով, որ իրենց ուժերը գործողություններ են իրականացնում «ահաբեկչական տարրերին հետապնդելու և նրանց տարածքում վերացնելու» համար։
