Իրանի նախագահը խոսել է ԱՄՆ-ի այն պահանջի մասին, ըստ որի՝ Իրանը պետք է հանձնի իր հարստացված ուրանի ամբողջ պաշարը

Նախագահ Մասուդ Փեզեշքյանը հայտարարել է, որ Իրանը ավելի շուտ կբախվի պատժամիջոցների վերադարձին, քան կկատարի ԱՄՆ-ի «անընդունելի» պահանջը՝ հանձնել իր ամբողջ հարստացված ուրանը, հաղորդում է Press TV-ն։

Նշելով, որ համաձայնության է եկել եվրոպական կողմերի հետ, նա ընդգծել է Միացյալ Նահանգների հետ առկա հիմնարար տարաձայնությունները։

«Մենք համաձայնության եկանք եվրոպական կողմերի հետ, սակայն ամերիկացիներն այլ տեսակետ ունեն և բնականաբար, մենք փոխադարձ համաձայնության չենք եկել snapback մեխանիզմի վերաբերյալ, քանի որ ամերիկացիների խնդրանքն անընդունելի է», - ասել է նա։

Պեզեշկյանը հավելել է, որ ամերիկացիները «ցանկանում են, որ մենք նրանց տանք մեր ամբողջ հարստացված ուրանը, իսկ դրա դիմաց նրանք մեզ տալիս են երեք ամիս ժամանակ, ինչը բացարձակապես անընդունելի է»։

Իրանի նախագահը շեշտել է, որ ԱՄՆ-ը, ամենայն հավանականությամբ, մի քանի ամսվա ընթացքում կպնդի պատժամիջոցները վերականգնելու վրա։ Նա հավելել է, որ եթե Իրանը ստիպված լինի ընտրություն կատարել, կնախընտրի պատժամիջոցների վերականգնումը, քան «անտրամաբանական պահանջը» կատարելը։ Փեզեշքիանը խոստացել է, որ «չնայած դրան, մենք կլուծենք մեր բոլոր խնդիրները»։