նախընտրելի դարձնել
Երևան քաղաքի Այասի փողոցում գտնվող կարի արտադրամասում տեղի ունեցած պայթյունի առնչությամբ նախաձեռնվել է քրեական վարույթ՝ Քրեական օրենսգրքի 412-րդ հոդվածի հատկանիշներով (անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը)։ Այս մասին NEWS.am-ին հայտնում են Քննչական կոմկտեից։
Ավելի վաղ առողջապահության նախարարությունից NEWS.am—ին հայտնել էին, որ պայթյունի հետևանքով տուժածներից մեկն անհրաժեշտ բուժօգնություն ստանալուց հետո դուրս է գրվել: 2 տուժածի առողջական վիճակը գնահատվում է միջին ծանրության, ստանում են անհրաժեշտ բուժօգնություն, մյուսինը` բավարար:
Ավելի վաղ հայտնել էինք, որ այսօր՝ ժամը 16։12-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Այասի փողոցում գտնվող կարի արտադրամասում տեղի է ունեցել պայթյուն:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
4 քաղաքացի հոսպիտալացվել է։
