Պարեկային ծառայության Երևան քաղաքի գնդի 3-րդ գումարտակի ծառայողները սեպտեմբերի 22-ին Արցախի պողոտայում ձերբակալել և Համայնքային ոստիկանության Էրեբունու բաժին են ներկայացրել Արարատի մարզի Նշավան գյուղի 2 բնակչի։

ՀՀ ՆԳՆ ոստիկանությունից NEWS.am–ին հայտնում են, որ 28-ամյա երիտասարդը ձերբակալման վայրում նետել է փաթեթներ։

Նախաձեռնվել է քրեական վարույթ, որի շրջանակում նշված վայրի զննությամբ հայտնաբերվել են մեթամֆետամին և մարիխուանա տեսակի թմրամիջոցներ։

28-ամյա նշավանցին ձերբակալվել է։