նախընտրելի դարձնել
«Turkish Airlines» ավիաընկերության հայտնվելը հայկական շուկայում քննարկվել է նախկինում։ Այս մասին հոկտեմբերի 3-ին Ազգային ժողովում ավանդական ճեպազրույցների ժամանակ հայտնել է իշխող «Քաղաքացիական պայմանագիր» կուսակցության պատգամավոր Սարգիս Խանդանյանը։
Սակայն պատգամավորը նշել է, որ գործընթացը անընդհատ հետաձգվել է քաղաքական պատճառներով։
Նրա խոսքով՝ Հայաստանի եւ Թուրքիայի հատուկ ներկայացուցիչների վերջին հանդիպման ժամանակ քննարկվել է երկու երկրների միջեւ օդային տրանսպորտի ոլորտում համագործակցության ակտիվացման հարցը։
«Մենք տեսնում ենք, որ «Turkish Airlines»-ը հայտարարել է դեպի Երեւան չվերթների մեկնարկի մասին: Ես ճշգրիտ չգիտեմ, թե երբ դա տեղի կունենա, բայց դա տեղի կունենա մոտ ապագայում»,- նշել է Խանդանյանը։
Խորհրդարանականը համոզված է, որ հայ-թուրքական հարաբերությունների լիակատար կարգավորման համար որեւէ խոչընդոտ չկա: Երեւանը պարզապես սպասում է պաշտոնական Անկարայի կոնկրետ քայլերին:
