նախընտրելի դարձնել
Վրաստանը, Հայաստանը և Ադրբեջանը գտնվում են Եվրամիության և եվրոպական երկրների հատուկ ծառայությունների ուշադրության կենտրոնում, որոնք ձգտում են քանդել նրանց պետականությունը։ Այս մասին TASS-ին հայտարարել է ՌԴ Պետդումայի ԱՊՀ գործերի, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Վիկտոր Վոդոլացկին՝ մեկնաբանելով Վրաստանում մունիցիպալ ընտրությունների ֆոնին` Թբիլիսիում տեղի ունեցող անկարգությունները։
«Նրանց համար (Եվրամիության և եվրոպական հետախուզական գործակալությունների համար՝ TASS-ի նշում), ցանկացած հետխորհրդային պետություն ոչնչացման տարր է, գոյություն ունեցող մարդկային արժեքների և խորը պատմական արմատների ոչնչացման միջոց։ Նրանց նպատակն է կտրել այդ ամենը, լղոզել այն և հետխորհրդային տարածքում գտնվող ցանկացած պետություն վերածել հոտի։ Հետևաբար, Հայաստանն ու Ադրբեջանը կենթարկվեն նույն գործողություններին, որոնց պատճառով ժամանակին «սահեց» Ուկրաինան, - ասել է Վոդոլացկին։
Գործակալության աղբյուրը հավելել է, որ Եվրամիությունը նմանատիպ քաղաքականություն է վարում նաև այլ երկրների նկատմամբ, որոնք «ներկայումս գտնվում են խաչմերուկում»։ Նա ընդգծել է, որ Ուկրաինան և այնտեղ տեղի ունեցածը մոդել են այդ երկրների համար։
