Երեքշաբթի ուշ երեկոյան մի տղամարդ է ձերբակալվել՝ Սպիտակ տան դիմաց գտնվող ցանկապատին բախվելուց հետո, հայտնում է  Associated Press-ը։

ԱՄՆ գաղտնի ծառայությունը հայտնել է, որ տղամարդը երեքշաբթի օրը՝ տեղական ժամանակով ժամը 22:37-ին մեքենայով մխրճվել է Սպիտակ տան մուտքի մոտ գտնվող անվտանգության դարպասի մեջ։

Գործակալության տվյալներով՝ տղամարդուն անմիջապես ձերբակալել են Գաղտնի ծառայության աշխատակիցները։

Քննիչները խուզարկել են նրա մեքենան և այն անվտանգ համարել, ասվում է Գաղտնի ծառայության ներկայացուցիչների հայտարարության մեջ։

Իշխանությունները որևէ լրացուցիչ տեղեկություն չեն հրապարակել վթարի, վարորդի ինքնության կամ հնարավոր դրդապատճառների մասին։