ԱՄՆ բնակիչ Մեթ Ռոզենբերգը Threads սոցցանցում պատմել է, թե ինչպես է իր ընտանիքը արհեստական ​​բանականության միջոցով գրեթե վեց անգամ կրճատել բժշկական ծախսերը։ Նրանք օգտագործել են Anthropic ընկերության Claude չաթբոտը՝ հիվանդանոցային հաշիվը վերլուծելու եւ վիճարկելու համար։

Ռոզենբերգի մահացած ազգականի անհաջող բուժումից հետո, որը հիվանդանոցում անցկացրել էր ընդամենը չորս ժամ, նրանցից գանձվել է 195 հազար դոլար (մոտ 15.7 միլիոն ռուբլի)։ Հարազատի առողջության ապահովագրության ժամկետը լրացել էր հոսպիտալացումից երկու ամիս առաջ։

Ընտանիքը խնդրել է ծառայությունների CPT կոդերը, որոնք ԱՄՆ-ում օգտագործվում են բժշկական եւ ախտորոշիչ ընթացակարգերը նշանակելու համար։ Claude-ն օգնել է նրանց կողմնորոշվել բարդ հաշվարկային կառուցվածքում։ ԱԲ-օգնականը պարզել է, որ որոշ կոդեր կրկնում են նույն ծառայությունների եւ պարագաների վճարները. հիվանդանոցը փաստացի մի քանի հաշիվ էր ներկայացրել մեկ ընթացակարգի համար։

Բացի այդ, Claude-ը բացահայտել է բժշկական հաշվարկային կանոնների կիրառման անհամապատասխանություններ։ Այն բանից հետո, երբ ընտանիքը նշել է անհամապատասխանությունները եւ հայտնել դատական ​​​​գործողություններ ձեռնարկելու իր պատրաստակամությունը, կլինիկան առաջարկել է կարգավորել գործը՝ գումարը կրճատելով մինչեւ 33 հազար դոլարի։

Claude-ի բաժանորդագրությունն արժե ամսական 20 դոլար։ Ռոզենբերգի հաշվարկներով՝ արհեստական ​​բանականության միջոցով ձեռք բերված խնայողությունները համարժեք են ծառայության օգտագործման 658 տարվա արժեքին։