ԱՄՆ նախկին նախագահ Ջո Բայդենը ռեկորդային կենսաթոշակ է ստանում, որը գերազանցում է նույնիսկ նրա նախագահական աշխատավարձը։ Փորձագետների գնահատմամբ՝ հարկերի հաշվին նա տարեկան վաստակելու է 417,000 դոլար, ինչն ավելին է, քան նախագահի պաշտոնում նրա աշխատավարձը։

Նման շռայլ կենսաթոշակային փաթեթը հնարավոր է դարձել Բայդենի բացառիկ կարիերայի շնորհիվ՝ 44 տարի Սենատում, փոխնախագահություն և նախագահություն։ Նա վճարումներ է ստանում միաժամանակ երկու հիմնադրամից։

Փորձագետների խոսքով՝ եթե չլիներ առավելագույն աշխատավարձի 80%-ի սահմանափակումը, Բայդենը կարող էր ստանալ ավելի քան 254,000 դոլար միայն սենատորական թոշակից։ Սրան գումարվում է նաև տարեկան քառորդ միլիոն դոլար նախկին նախագահների կենսաթոշակային հիմնադրամից, ինչը համարժեք է Կաբինետի քարտուղարի աշխատավարձին։

Բացի այդ, Բայդենը ստանում է լրացուցիչ հարկային արտոնություններ, ներառյալ գրասենյակային տարածքի, աշխատակիցների և սարքավորումների ծախսերի փոխհատուցումը. 2026 թվականի բյուջեն գերազանցում է 1,5 միլիոն դոլարը, ինչն ավելի բարձր է, քան որևէ այլ նախկին նախագահի դեպքում։

Փորձագետները նշում են, որ Բայդենի իրավիճակը եզակի է և «նախադեպ է ստեղծում», որը հնարավոր է վերանայվի ապագայում։ Նախկինում Կոնգրեսում առաջարկվել են օրենքներ, որոնք սահմանափակում են նախագահական թոշակներն ու արտոնությունները, սակայն դրանք չեն ընդունվել։

Որոշ օրենսդիրներ արդեն քննարկում են բարեփոխումները, որպեսզի նման «շռայլ» վճարումները նորմ չդառնան ապագա նախագահների համար։