նախընտրելի դարձնել
Վրաստանի խորհրդարանի խոսնակ Շալվա Պապուաշվիլին հայտարարել է, որ Վրաստանի իշխանությունները չեն շեղվելու խաղաղության քաղաքականությունից և չեն միջամտելու օտար սցենարներին։
«Հունվարի առաջին օրերին Վենեսուելայում բռնկված միջազգային փոթորիկը, որը միայն թվում է, թե միայն թափ է հավաքում, էլ ավելի ամրապնդեց մեր 2026 թվականի ծրագիրը՝ չշեղվել խաղաղության քաղաքականությունից և չմիջամտել օտար սցենարներին»,- գրել է նա սոցիալական ցանցերում։
Նրա խոսքով՝ վրացական իշխանությունները վայելում են այն մարդկանց աջակցությունը, ովքեր խաղաղություն և բարգավաճում են ցանկանում միասնական Վրաստանի համար։
Խորհրդարանի խոսնակը հիշեցրել է, որ Վենեսուելան այն երկրներից մեկն է եղել, որոնք չեն ճանաչում Վրաստանի տարածքային ամբողջականությունը։
«Այն պետությունները և կառավարությունները, որոնք չեն ճանաչում Վրաստանի տարածքային ամբողջականությունը, երբեք չեն կարող լինել վրաց ժողովրդի բարեկամները»,- գրել է Պապուաշվիլին։
