Նախընտրելի
«Ահեղ դատաստանի ժամացույցը», որը ցույց է տալիս, թե մարդկությունը որքան մոտ է աղետին, երեքշաբթի ավելի քան երբևէ մոտեցել է կեսգիշերին, հաղորդում է Ֆրանսպրես գործակալությունը (AFP)։
Bulletin of the Atomic Scientists-ը, որը փոխաբերական ժամացույցը ստեղծել էր Սառը պատերազմի սկզբում, դրա ժամանակը առաջ է տվել կեսգիշերից 85 վայրկյան շուտ՝ չորս վայրկյան ավելի մոտ, քան մեկ տարի առաջ, հաղորդում է AFP-ն։
Ահեղ դատաստանի ժամացույցի հանձնաժողովը զգուշացրել է միջուկային սպառազինությունների մրցավազքի ռիսկերի աճի մասին՝ կապված ԱՄՆ-ի և Ռուսաստանի միջև միջուկային զենքի կրճատման վերաբերյալ New START պայմանագրի ժամկետի՝ հաջորդ շաբաթ լրանալու հետ։
«Ավելի քան կես դար անց առաջին անգամ ոչինչ չի կարող կանխել միջուկային սպառազինությունների մրցավազքը»,- առցցանց մամուլի ասուլիսում ասել է Չիկագոյի համալսարանի ֆիզիկոս Դանիել Հոլցը, որը նախագահում է Bulletin-ի գիտության և անվտանգության խորհուրդը։
Հանձնաժողովը նաև նշել է ածխաթթու գազի արտանետումների ռեկորդային մակարդակները, որոնք մոլորակի ջերմաստիճանի բարձրացման հիմնական գործոնն են։
Ալբերտ Այնշտայնի, Ռոբերտ Օպենհայմերի և Չիկագոյի համալսարանի այլ միջուկային գիտնականների հիմնադրած Bulletin of the Atomic Scientists-ը ժամացույցի սլաքն առաջին անգամ առաջ տարավ 1947 թվականին՝ կեսգիշերից յոթ րոպե անց։
Անցյալ տարի այն առաջ տարվեց, բայց ընդամենը մեկ վայրկյանով՝ Թրամփի կողմից խաղաղության և համագործակցության նորացված խոստումների վերաբերյալ զգուշավոր հույսի պայմաններում։
