Ժնևում եռակողմ բանակցությունների պաշտոնական ավարտից հետո ռուսական պատվիրակության ղեկավար Վլադիմիր Մեդինսկին վերադարձել է հյուրանոց, որտեղ տեղի էր ունեցել հանդիպումը, և բանակցություններ է վարել ուկրաինական պատվիրակության ղեկավար Ռուստեմ Ումերովի և ուկրաինական թիմի անդամ Դավիթ Արախամիայի հետ։

Հանդիպումը տևել է երկու ժամ, BBC-ին հաստատել է Ռուստեմ Ումերովի մամուլի քարտուղար Դիանա Դավիթյանը։

Ավելի վաղ, հյուրանոցից դուրս գալիս, Վլադիմիր Մեդինսկին հայտարարել էր, որ իրոք հանդիպում է ունեցել «ուկրաինական կողմի հետ», առանց նշելու, թե ում հետ։

Քանի որ Ումերովը և Արախամիան աշխատել են բանակցային թիմի քաղաքական ենթախմբում, այս հանդիպման ժամանակ քննարկումը, ըստ երևույթին, կենտրոնացել է հատկապես քաղաքական հարցերի վրա, որոնք, ըստ նախագահ Վլադիմիր Զելենսկու, մնում են բանակցային գործընթացի ամենախնդրահարույցները։