Բեռնատարների և ավտոբուսների վարորդները բողոքի ակցիա են անցկացրել Փարիզում։ Euronews-ի փոխանցմամբ՝ Եվրոպական ճանապարհային տրանսպորտի կազմակերպությունը կոչ է արել դրան։ Փարիզի օղակաձև ճանապարհին մոտ 200 ավտոբուսներ ցածր արագությամբ («Խխունջ» գործողություն) էին շարժվում՝ զգալիորեն խաթարելով երթևեկությունը։

Բողոքի ակցիայի մասնակիցները վրդովված են վառելիքի գների աճից և պահանջում են ավելի մեծ աջակցություն իշխանություններից։ Այս շաբաթ նախատեսվում են ավելի շատ բողոքի ակցիաներ, մասնավորապես՝ Լուար, Պրովանս-Ալպեր-Կոտ դ'Ազուր, Օքսիտանիա և Նոր Ակվիտանիա նահանգներում։

Մերձավոր Արևելքում պատերազմից լրջորեն տուժած ոլորտն արդեն ստացել է կառավարության օգնություն։ Ուրբաթ օրը էկոնոմիկայի նախարար Ռոլան Լեսկյուրը և տրանսպորտի նախարար Ֆիլիպ Տաբարոն հայտարարեցին տրանսպորտային ոլորտի զարգացման համար 50 միլիոն եվրո հատկացնելու մասին։

«Բյուջեն [...], կարծես, չի համապատասխանում իրավիճակի լրջությանը, համապատասխան մասնագետների առջև ծառացած դժվարություններին և 2022 թվականին ձեռնարկված միջոցառումներին», - ասվում է միության մամուլի հաղորդագրության մեջ։ «Եթե գործադիր մարմինը պահպանի իր դիրքորոշումը, հետևանքները կարող են դրամատիկ լինել։ Կրճատումների և սնանկացումների պատճառած սոցիալական և տնտեսական ծախսերը կարող են շատ ավելի բարձր լինել, քան այսօր հայտարարված գումարը», - հայտարարել է արհմիությունը։