Նախընտրելի
Ապրիլի 10-ին «Մերիդիան» էքսպո կենտրոնում, Leasing Expo-ի շրջանակներում, կայացել է Kia Armenia-ի և Armenia Leasing-ի համագործակցության պաշտոնական մեկնարկը և նոր լիզինգային պրոդուկտի ներկայացումը, որը կարող է էականորեն փոխել մեքենայի ձեռքբերման մշակույթը Հայաստանում։
Համագործակցության շրջանակում շուկային ներկայացվել է մեքենայի ֆինանսավորման նոր մոդել, որը նախատեսված է ինչպես ֆիզիկական անձանց, այնպես էլ բիզնես հաճախորդների համար։ Նոր առաջարկը հնարավորություն է տալիս ձեռք բերել նոր Kia մեքենա՝ առանց մեծ միանվագ ներդրման, ավելի ճկուն վճարման պայմաններով և ավելի պարզ ձևակերպման գործընթացով։
Սա պարզապես հերթական ֆինանսական առաջարկ չէ։ Սա նոր մոտեցում է, որը շուկային տալիս է ավելի մրցունակ և ժամանակակից այլընտրանք ավանդական ավտովարկին՝ մեքենան դարձնելով ավելի հասանելի ավելի լայն լսարանի համար։
Լիզինգային այս մոդելը շուկա է բերում նոր տրամաբանություն՝ հաճախորդին տալով հնարավորություն օգտվել մեքենայից՝ առանց ֆինանսական մեծ բեռի, իսկ բիզնեսին՝ չսառեցնել շրջանառու կապիտալը, ավելի հեշտ կառավարել ավտոպարկը և օպտիմալացնել ծախսերը։ Ծառայությունը գործում է մինչև 36 ամիս ժամկետով, իսկ պայմանները կարող են տարբեր լինել՝ կախված ընտրված մոդելից և փաթեթից։
Հայտարարման և պայմանագրի ստորագրման արարողության ընթացքում կներկայացվեն նաև նոր պրոդուկտի կոնկրետ պայմանները, ներառյալ՝
- ֆինանսավորման կառուցվածքը,
- սկզբնական վճարի տրամաբանությունը,
- հասանելի մոդելները,
- ֆիզիկական և իրավաբանական անձանց համար կիրառելի ձևաչափերը,
- ինչպես նաև հատուկ առաջարկները առանձին Kia մոդելների համար։
Kia Armenia-ի կողմից նշում են.
«Այս համագործակցությունը մեզ համար պարզապես ֆինանսական գործիք չէ։ Սա մեքենա ձեռք բերելու փորձը վերաիմաստավորելու քայլ է, որի շնորհիվ Kia-ն դառնում է ավելի մոտ և ավելի հասանելի թե՛ անհատ հաճախորդների, թե՛ բիզնեսների համար»։
Armenia Leasing-ի կողմից նշում են.
«Մենք շուկա ենք բերում ոչ միայն նոր պրոդուկտ, այլ նոր մտածելակերպ։ Մեր նպատակը ֆինանսավորումը դարձնելն է արագ, պարզ և գործնական, որպեսզի հաճախորդը կենտրոնանա մեքենայից օգտվելու, ոչ թե բարդ գործընթացների վրա»։
Այս համագործակցությունը կարևոր քայլ է Հայաստանի ավտոշուկայի զարգացման տեսանկյունից, քանի որ այն խթանում է նոր ֆինանսական մշակույթի ձևավորումը, բարձրացնում ծառայությունների մրցունակությունը և ընդլայնում մեքենայի ձեռքբերման հնարավորությունները շուկայի տարբեր սեգմենտների համար։
Տեղեկատվություն ընկերությունների մասին
«Capital Motors» ՍՊԸ (Kia Armenia)
Kia մակնիշի ավտոմեքենաների պաշտոնական ներկայացուցիչն է Հայաստանում։
Ընկերությունն ապահովում է նոր մեքենաների վաճառք և հետվաճառքային սպասարկում՝ բրենդի միջազգային չափանիշներին համապատասխան։ Kia Armenia-ն շուկային առաջարկում է մոդելների լայն տեսականի, ժամանակակից լուծումներ և հաճախորդակենտրոն սպասարկում։
«Արմենիան Լիզինգ Քամփնի» ՈՒՎԿ ՓԲԸ
Մասնագիտացված լիզինգային ընկերություն է, որը տրամադրում է նորարարական և ճկուն ֆինանսավորման լուծումներ թե՛ բիզնեսի, թե՛ անհատ հաճախորդների համար։
Ընկերությունն օգնում է ակտիվներ ձեռք բերել ավելի հասանելի և կառավարվող ֆինանսական պայմաններով՝ նպաստելով ֆինանսական հասանելիության ընդլայնմանն ու տնտեսական ակտիվության աճին։
