Արգենտինայի նախագահ Խավիեր Միլեյը վայրէջք է կատարել Բեն Գուրիոն օդանավակայանում՝ եռօրյա այցով ժամանելով Իսրայել, հայտնում է Times of Israel-ը։

Ակնկալվում է, որ այցի ընթացքում նա իր երկրի դեսպանատունը Երուսաղեմ տեղափոխելու մասին որևէ կտրուկ հայտարարություն չի անի։

Միլեյը, որը միջազգային ասպարեզում Իսրայելի ամենաջերմ աջակիցներից է, կուղևորվի անմիջապես Արևմտյան պատ կամ Լացի պատ՝ Իսրայելի վարչապետ Բենիամին Նեթանյահուի հետ հանդիպելու համար։

Արգենտինայի առաջնորդը կհանդիպի նաև Իսրայելի նախագահ Իցհակ Հերցոգի հետ։

Վաղը Միլեյը պատվավոր դոկտորի կոչում կստանա Բար Իլան համալսարանում։ Սա Արգենտինայի նախագահի պաշտոնում Միլեյի երրորդ այցն է Իսրայել։