News
Լրահոս
News
Կիրակի
Մարտ 29
USD
471.63
EUR
510.35
RUB
8.19
Տեսնել լրահոսը

Կենսաչափական անձնագրեր եւ նույնականացման քարտեր տրամադրող համակարգեր են դրվել Հայաստանի արդեն ավելի քան 10 անձնագրային սեղաններում: Այդ մասին NEWS.am-ի թղթակցին հաղորդել է  լեհական PWPW ընկերության գործադիր տնօրեն Կշիշտոֆ Ժարնոտալը: Հիշեցնենք, որ Հայաստանում կենսաչափական անձնագրերի եւ նույնականացման  քարտերի հանձնումն սկսվել է 2012թ. հունիսի 1-ից: Հայաստանում ընդհանուր թվով 61 անձնագրային սեղան է գործում, որոնցից 13-ը` Երեւանում:

Լեհական PWPW-ը, որն ընտրվել էր մրցույթով, Հայաստան կմատակարարի գրքույկներ  կենսաչափական անձնագրերի համար եւ  թերթիկներ նույնականացման քարտերի համար, ինչպես նաեւ Ոստիկանության անձնագրային բաժիններում կտեղակայի սարքավորումներ` պատրաստի փաստաթղթերի թողարկման համար: Անձնագրային ծառայության աշխատակիցների շրջանում արդեն  իրականացվել են  դասընթացներ տեղական  Smart-Tech ընկերության հետ համագործակցությամբ: «Դասընթացների ընթացքում աշխատակիցները սովորել են նորագույն տեխնոլոգիաների կիրառումը, այդ թվում դեմքի եւ մատնահետքերի կենսաչափումը եւ այլն», – բացատրել է Կ. Ժարնոտալը:

Կենսաչափային համակարգերի հաստատումը բոլոր անձնագրային բաժիններում կհամաձայնեցվի հայկական կողմի հետ: 

2012 թվականին` համակարգի կիրառման առաջին տարում, նախատեսվում է  թողարկել  50 հազար անձնագրեր եւ նույնականացման 150 հազար քարտեր: Հայկական կողմի համար դրանց արժեքը կկազմի  համապատասխանաբար 37.42 եւ 5.52 եվրո մեկ հատի համար:  Մինչեւ 2017 թվականը նախատեսվում է թողարկել 304 հազար կենսաչափական անձնագրեր եւ նույնականացման 1 միլիոն քարտեր:

Լեհական PWPW ընկերության ծառայությունների ընդհանուր գումարը, ըստ հայկական  «EKENG» ՓԲԸ-ի հետ կնքված պայմանագրի,  կկազմի 16.9 միլիոն եվրո: Աշխատանքները նախատեսված է ավարտել մինչեւ 2017 թվականը:

!
Այս նյութը հասանելի է նաև   English, Русский and Türkçe
Տպել
Այս թեմայով
Ամբողջ
Ամերիկացիները 6 կմ բարձրություն կուղարկեն երկու տակառ գարեջուր
2 տակառ գարեջրով հրթիռը 3.5 վայրկյանում կզարգացնի 1050կմ/ժ արագություն…
ԱՄՆ-ում փորձարկել են ինքնաուղղորդվող փամփուշտներ
Այն թույլ է տալիս մի քանի անգամ մեծացնել դիպուկահար զենքի կրակոցի հեռահարությունը...
Ուսանողը խորամանկ հեռուստացույց է հնարել
Երբ էկրանի առաջ բացակայում է հեռուստադիտողը, էկրանին կարելի է տեսնել…
Սթրեսի մակարդակը որոշող բջջային հավելված է մշակվել
Սա առաջին բջջային թեսթն է, որը հնարավորություն է տալիս բացահայտել կորտիզոլի բարձր մակարդակը...
Չինաստանում կրկին գործում են Google-ի համացանցային ծառայությունները
Facebook, Twitter սոցիալական ցանցերը եւ YouTube-ը Չինաստանում արգելափակված են արդեն երկար տարիներ...
ՎիվաՍել-ՄՏՍ-ի աշխատակազմի նախաձեռնության շնորհիվ իրականություն են դառնում 6 երեխ
Երեւանի կենդանաբանական այգին այդ օրը հյուրընկալել է ավելի քան 60 երեխաների իրենց ընտանիքների հետ...
Ամենաշատ
Ֆոտոռեպորտաժներ
Partner news