Մաշկի փոփոխությունները ծերացման ամենանկատելի նշանն են: Նոր հետազոտության համաձայն, շատ կանայք դեմքի վիճակով ավելի շատ են մտահոգվում, քան ողջ մարմնի:
Կանանց 25 տոկոսը համարում է, որ իրենց մարմինն ավելի արագ է ծերանում, քան իրենք սպասում էին, որովհետեւ նրանք մոռանում են հետեւել ու խնամել այն, հաղորդում է Hindustan Times-ը: Կանանց կարծիքով՝ ծերացման նշաններն ավելի նկատելի են ձեռքերին, դեմքին ու վզին:
Հետազոտության յուրաքանչյուր 10-րդ մասնակից կինը դժգոհ է իր մաշկից: Յուրաքանչյուր 3-րդը միայն ժամանակ առ ժամանակ է զգացել, որ իր մաշկն առողջ է եւ լավ տեսք ունի: Արտաքին տեսքի վատթարացման հիմնական պատճառը կանայք համարում են ջրազրկումը, սնուցող կրեմների ոչ բավարար օգտագործումը, ծխելը եւ ոչ ճիշտ սննդակարգը, հաղորդում է MedDaily-ն:
