Սաուդյան Արաբիայի ակտիվիստները, ովքեր մեկ տարի շարունակ պահանջում էին կանանց ավտոմեքենա վարելու իրավունք տրամադրել, նշում են իրենց բողոքի տարեդարձը: Այս մասին հաղորդում է BBC-ի ռուսական ծառայությունը:
Աղբյուրը հիշեցնում է, որ անցյալ տարի տասնյակ կանայք, չնայած իշխանությունների արգելքին, սկսեցին մեքենա վարել: Սոցիալական ցանցերում ակտիվիստուհիները կոչ էին անում նման ակցիա անցկացնել նաեւ այս տարի, սակայն իշխանությունները նման գործողությունների դեմ խիստ նախազգուշացմամբ հանդես եկան:
Արշավի ակտիվիստներից մեկն ասել է, որ երկրում վախի մթնոլորտն աճել է, այդ պատճառով այս տարի գլխավորն այդ խնդրի շուրջ մարդկանց ուշադրությանը գրավելն է:
