Քրոնիկ հոգնածության համախտանիշից տառապող մարդկանց ուղեղն էապես տարբերվում է առողջ մարդկանց ուղեղից, հայտնաբերել են Սթենֆորդի համալսարանի գիտնականները:
Հետազոտությունը նշանակալի փաստարկ կդառնա մինչ այդ բազմիցս կասկածի տակ առնվող հիվանդության վերաբերյալ քննարկումներում:
Սթենֆորդի բժշկական համալսարանի հետազոտողների խումբը համարում է, որ իրենց եզրակացությունները կարող են հանգեցնել ավելի հստակ ախտորոշման եւ բուժման: Նրանք ենթադրում են, որ հետազոտությունը կարող է օգնել հայտնաբերել այն մեխանիզմը, որը պատասխանատում է հիվանդության դրսեւորման համար:
Հաճախ քրոնիկ հոգնածության համախտանիշով հիվանդները չեն հասկանում, թե ինչ հիվանդությամբ են տառապում, սակայն խախտումները, որոնք հայտնաբերվել են հետազոտությունում, կարող են պարզություն մտցնել, գրում է «Mail Online»-ը:
Պատկերագրման երեք բարդ մեթոդների կիրառմամբ հետազոտողներին հաջողվել է հայտնաբերել, որ այս հիվանդների ուղեղը տարբերվում է առողջ մարդու ուղեղից: Հայտնաբերվել են էական տարբերություններ:
Այս հիվանդությունից տառապում է ԱՄՆ-ի 1-4 մլն բնակիչ, եւ միլոնավորներն ամբողջ աշխարհում: Հստակ թիվ անվանել դժվար է, քանի որ քրոնիկ հոգնածության համախտանիշը դժվար է հայտնաբերել, հաղորդում է «FedPost.ru»-ն:
Այն ժամանակ, երբ բոլոր հիվանդների մոտ ախտանշանները նույնն են՝ մշտական հոգնածություն, որը պահպանվում է ամիսներ շարունակ, հավելյալ ախտանշաները կարող են տարբեր լինել:
Ախտանշանների համադրությունը կարող է տասնամյակներ շարունակ հիվանդի կյանքը դատարկ դարձնել: