Հարվարդի առողջապահության դպրոցի գիտնականները հանգել են եզրակացության, որ սուրճի սիրահարներն ավելի քիչ են հակված ինքնասպանություն գործելուն, քան նրանք, ովքեր ընդհանրապես սուրճ չեն խմում:
The Times of India-ի փոխանցմամբ, 16 տարի տեւած հետազոտությանը մասնակցել է ավելի քան 200 հազար մարդ: Մասնագետները համեմատել են օրական 2-4 գավաթ սուրճ ըմպող եւ այն ընդհանրապես չօգտագործող կամ առանց կոֆեինի սուրճ նախընտրող մարդկանց շրջանում ինքնասպանության վտանգը:
Ըստ Comments.UA-ի, հետազոտության արդյունքները ցույց են տվել, որ օրական 2-4 գավաթ սուրճ ըմպող մարդկանց շրջանում ինքնասպանություն գործելու վտանգը 50%-ով պակաս է եղել:
Նախկինում էլ սուրճը կապում էին կանանց շրջանում դեպրեսիայի վտանգի նվազեցման հետ: