Ճապոնիան ամբողջ աշխարհում հայտնի է համերի եւ դրանց համադրությունների փորձարկումներով: Տարեսկզբին ճապոնական Tirol ընկերությունը հերթական անգամ զարմացրել է քաղցրակերներին՝ պանրի եւ պիցցայի համով եւ բույրով շոկոլադե կոնֆետներ թողարկելով:
Ըստ Kedem-ի, ճերմակ շոկոլադի կտորները փաթեթավորված են փայլաթիթեղի եւ մուգ թղթի մեջ:
Ովքեր համարձակվել են համտեսել արտասովոր կոնֆետները, նշում են, որ շոկոլադը քաղցր համ ունի, պանրի եւ պիցցայի վառ արտահայտված բույր, իսկ համն ավելի երկար է պահպանվում: Նման շոկոլադից հետո երկար ժամանակ ո՛չ քաղցրավենիք, ո՛չ էլ պիցցա եւ պանիր ուտելու ցանկություն չի լինում:
