Անգլիական Նոթինգեմում հագուստի խանութում խաղային սարքեր են տեղադրվել, որոնց նպատակն է՝ զբաղեցնել ձանձրանող տղամարդկանց, քանի դեռ նրանք սպասում են իրենց համար ժամերով հագուստ փնտրող կանանց: Ըստ The Daily Mirror-ի, խանութը ներառված է Urban Outfitters ապրանքանիշի ցանցում:

Lenta-ի փոխանցմամբ, առեւտրի կենտրոնում տեսախաղերի տաղավարի ի հայտ գալը համացանցի օգտատերերի շրջանում բուռն արձագանք է առաջացրել:

Reddit.com կայքի այցելուները խանութի լուսանկարի տակ ավելի քան 700 մեկնաբանություն են թողել: Օգտատերերից մեկն էլ նշել է, որ նման տաղավարներ հայտնվել են Մեծ Բրիտանիայում ապրանքանիշի ցանցի այլ խանութներում եւս: