Որոշ փորձագետներ վստահ են, որ Եվրամիության երկրների բնակիչները ոչ հեռավոր ապագայում կարող են բախվել ճարպակալման համաճարակի: Այս մասին հայտարարվել է Պրահայում անցկացված բնակչության շրջանում ճարպակալման խնդիրներին նվիրված համաժողովի ընթացքում:
Առողջապահության համաշխարհային կազմակերպության (ԱՀԿ) ներկայացուցիչները բացատրել են իրենց ենթադրությունը՝ կապված վիճակագրության հետ, որն ԱՀԿ-ն կազմել է անցյալ տարի:
Ստացված տվյալների համաձայն, 18 տարեկանն անց 2 մլրդ մարդ ավելորդ քաշ ունի, որոնցից ավելի քան 6 մլն-ը տառապում է ճարպակալումից: Այդ հետազոտությանը մասնակցած բազմաթիվ բժիշկների այս թվերը վախեցնում են, քանի որ վտանգ կա, որ ճարպակալումը կարող է տարածվել ամբողջ բնակչության շրջանում:
Ըստ Planet-today-ի, փորձագետների կանխատեսումների համաձայն, 2030 թվականին Իռլանդիայի բնակչության 90%-ն ավելորդ քաշ կունենա: Դա վերաբերում է նաեւ Հունաստանին, Իսպանիային, Չեխիային եւ Մեծ Բրիտանիային: Գիտնականները հայտարարել են, որ դա ավելի շատ սպառնում է կանանց: Սակայն կլինեն երկրներ, որոնց դա չի սպառնա: Այդպիսի երկրների թվում է Նիդեռլանդները:
