Մոսկվայի Տրոիցկի շրջանի դատարանի կողմից մեղավոր ճանաչված եւ 6 տարի 9 ամսվա ազատազրկման դատապարտված Հրաչյա Հարությունյանին Հայաստան տեղափոխելու հարցով որեւէ նորություն չկա: Այս մասին NEWS.am-ի թղթակցի հետ զրույցում ասաց Հրաչյա Հարությունյանի աները՝ Վիկտոր Մարտիրոսյանը:
Նա նշեց, որ առայժմ պատասխան չկա Ռուսաստանի Դաշնության Արդարադատության նախարարին ուղարկված նամակից Իսկ ՀՀ ԱՆ-ից հարցին ի պատասխան՝ մշտապես նշում են, թե դեռ նորություն չկա, իրենք հայտնել էին, որ սա երկարատեւ գործընթաց է:
Ի դեպ, վերջերս ՌԴ-ում հայտարարված համաներումը չի տարածվել Հրաչյա Հարությունյանի վրա: Նա անազատության մեջ է մոտ 2 տարի: Վիկտոր Մարտիրոսյանը նշեց, որ Հրաչյա Հարությունյանը առողջական խնդիրներ ունի կապված սրտի հետ:
Հիշեցնենք, որ բեռնատարը, որի ղեկին եղել է Հրաչյա Հարությունյանը, 2013 թվականի հուլիսի 13-ին մխրճվել է Պոդոլսկից դեպի Կուրիլովո 64 ուղեւորի փոխադրող ավտոբուսի մեջ: Վթարի հետեւանքով 18 մարդ զոհվել է, ավելի քան 40-ը՝ վիրավորվել:
Հետաքննության արդյունքում պարզվել է, որ բեռնատարը հարկ եղածի պես չի սպասարկվել, ինչի արդյունքում արգելակման հետ կապված խնդիրներ է ունեցել: Ըստ հետաքննության, Հարությունյանը պետք է իմանար այդ մասին: Մոսկվայի քաղաքային դատարանը Հրաչյա Հարությունյանին դատապարտել է 6 տարի եւ 9 ամիս ժամկետով ազատազրկման: Մոսկվայի քաղաքային դատարանըանփոփոխ է թողել այդ դատավճիռը: