Գյումրիում մայիսի 31-ին մեքենայի մեջ մահացած հայտնաբերված Վլադիմիր Ավետիսյանի դեպքի առթիվ հարուցվել է քրեական գործ:
NEWS.am-ին Քննչական կոմիտեի մամուլի ծառայությունից հայտնեցին, որ քրգործը հարուցվել է Քրեական օրենսգրքի 110-րդ եւ 235-րդ հոդվածների 1-ին մասերով: Նշենք, որ ՔՕ 110-րդ հոդվածի 1-ին մասն ինքնասպանության հասցնելն է՝ սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով:
Կատարվում է նախաքննություն:
Ավելի վաղ հայտնել էինք, որ մայիսի 31-ին Գյումրիի Մուշ 2 թաղամասում մեքենայի մեջ տղամարդու դի է հայտնաբերվել: Դիակի վրա հրազենային վնասվածքներ կան: Մեքենայի մեջ եղել է զենք եւ բանկային փաստաթղթեր: Ավելի ուշ պարզվել է, որ մահացածը Գյումրիի բնակիչ 27-ամյա Վլադիմիր Ավետիսյանն է: Նա առաքիչ էր, բնակվում էր հոր հետ:
