Ողբերգական ավտովթար է տեղի ունեցել Լոռու մարզում: NEWS.am-ի թղթակիցը հաղորդում է, որ դեպքը տեղի է ունեցել Մարգահովիտ գյուղի մոտ Ջավախի ձոր կոչվող կոչվող հանդամասում:
Ժամը 16:00-ի սահմաններում խոտով բարձված «Զիլ» մակնիշի մեքենան կորցնելով կառավարումը դուրս է եկել ճանապարհի երթեւեկելի հատվածից եւ շուրջ 300 մետր գլորվել ձորը: Վթարի հետեւանքով «Զիլ»-ի վարորդ, Մարգահովիտ գյուղի բնակիչ Սայաթ Մինասյանը տեղում մահացել է:
Այս պահին դեպքի վայրում են մեծ թվով փրկարարներ եւ ոստիկաններ: Մահացածի մարմինը քիչ առաջ մեծ դժվարությամբ դուրս են բերել ձորից: