Ավտրալիայի Փոյնթ Վերնոն քաղաքի բնակչուհի Արգենտինա Աբիջարոնը իր ուժերն է չափել ագեվազի հետ, որը հարձակվել էր նար երկու տարեկան դստեր վրա: Երեխան զբոսնում էր տան բակում իր վեցամյա եղբոր հետ, պատմել է մայրը Fraser Coast Chronicle պարբերականին:
Հանկարծ մայրը լսել է, թե ինչպես է որդին բղավում: Նա բակ է դուրս եկել ու տեսել, որ դուստրը՝ Միլին, գետնին պառկած է, իսկ ագեվազը հարձակվում է նրա վրա: Կնոջ խոսքով, կենդանին մոտավորապես իր հասակին էր: «Ես հարվածում էի նրան, ոտքով , ձեռքով, համոզված, որ կարող եմ հաղթել նրան: Բայց կենդանին իրոք շատ ուժեղ էր»- պատմել է նա: Անհայտ է , թե ինչով կավարտվեր այդ մարտը, եթե օգնության չհասներ հարեւանը: Նա ագեվազին հեռացրել է կնոջից , ու նա կարողացել է դստեր հետ ապահով թաքստոց գտնել:
Ավելի ուշ աղջկան հիվանդանոց են տեղափոխել , որտեղ նրան 17 կար են դրել: Երեխայի ամբողջ մարմնի վրա վնասվածքներ էին: Բժիշկների խոսքով այդ սպիները հավանաբար ամբողջ կյանքում կպահպանվեն: Մինչդեռ ծնողները հույս ունեն, որ կատարվածը երեխայի կյանքում գոնե հոգեկան անջնջելի հետք չի թողնի:
