Նախընտրելի
Քրիստոնեա-դեմոկրատական միության նախագահ Ֆրիդրիխ Մերցը հայտարարել է, որ անձամբ փորձարկել է արհեստական բանականությունը՝ Գերմանիայի կառավարության համար օրինագիծ ստեղծելու համար: Գերմանական Der Spiegel հանդեսին տված հարցազրույցում նա նշել է, որ օգտագործել է ժամանակակից տեղեկատվական տեխնոլոգիաներ՝ դաշնային գործակալությունների համար օրենքներ մշակելու հարցում օգնելու համար:
Մերցն ընդգծել է, որ իր կարծիքով՝ օրենսդրություն մշակելու համար արհեստական բանականության օգտագործումը խելամիտ քայլ է տեխնոլոգիական արագ զարգացման պայմաններում:
Նա նշել է, որ արհեստական բանականությունը կարող է արագացնել բարդ իրավական փաստաթղթերի մշակումը և վերլուծությունը՝ օգնելով պաշտոնյաներին և օրենսդիրներին ավելի արագ և ճշգրիտ աշխատել: Դա միաժամանակ պետք է օգնի գործընթացները դարձնել ավելի թափանցիկ, քանի որ արհեստական բանականությունը կարող է տարբեր ձևակերպումների տարբերակներ առաջարկել և նույնիսկ տեքստերում հնարավոր իրավական անհամապատասխանություններ կամ անորոշություններ բացահայտել:
Մերցը կարծիք է հայտնել նաև, որ Գերմանիան պետք է ավելի ակտիվորեն ինտեգրի արհեստական բանականությունն իր բյուրոկրատական և օրենսդրական համակարգերում, ինչը կբարելավի պետական մարմինների արդյունավետությունը: Միևնույն ժամանակ, նա ընդգծել է նման տեխնոլոգիաների օգտագործման թափանցիկության և փորձագետների ներգրավման կարևորությունը՝ օրենսդրական նախագծերի մշակման վրա դրանց ազդեցությունը գնահատելու համար:
Ֆրիդրիխ Մերցը միաժամանակ նշել է, որ ժամանակակից տեխնոլոգիաները, դրանց թվում՝ արհեստական բանականությունը, պետք է օգտագործվեն ոչ միայն պաշտոնյաների աշխատանքն օպտիմալացնելու, այլև իրավական համակարգն ամրապնդելու համար, ինչը, նրա համոզմամբ, կ նպաստի օրենքների որակի և դրանց հրատապության բարելավմանը։
Մերցի այս քայլը արձագանք է առաջացրել Գերմանիայի քաղաքական հանրության շրջանում։ Նրա կողմնակիցներից ոմանք աջակցել են պետական գործերում նոր տեխնոլոգիաների կիրառմանը, մինչդեռ քննադատները մտահոգություն են հայտնել ժողովրդավարական գործընթացների համար հնարավոր հետևանքների և ռիսկերի առնչությամբ, երբ արհեստական բանականությունը սկսի չափազանց մեծ ազդեցություն ունենալ օրենսդրական ակտերի մշակման վրա։
