նախընտրելի դարձնելԵՄ-ն եւ ԱՄՆ-ն աշխատում են Ուկրաինային ֆինանսական օգնություն տրամադրելու խոշոր ծրագրի ուղղությամբ: Այս մասին Wall Street Journal-ի հետ հարցազրույցում հայտնել է ԵՄ-ի արտաքին հարցերով գերագույն ներկայացուցիչ Քեթրին Էշթոնը:
Ըստ նրա` այդ գործողություններն ուղղված են անցումային շրջանում Ուկրաինային օգնություն ցուցաբերելուն, երբ ժամանակավոր կառավարությունը կարող է քաղաքական եւ տնտեսական բարեփոխումներ կատարել՝ 2015թ. նշանակված նախագահական ընտրություններից առաջ:
Օգնության ծավալը «փոքր չի լինի», ասել է Էշթոնը, այդ օգնության պայմանները Կիեւից չեն պահանջի երկարաժամկետ պայմանագիր կնքել ԱՄՀ-ի հետ:
Էշթոնը նաեւ հավելել է, որ փաթեթը բաղկացած է լինելու ոչ միայն գումարից, այլեւ կարող է պարունակել նաեւ ներդրումային պարտավորություններ եւ այլ առաջարկներ, հայտնում է ՈՒՆՆ-ը` վկայակոչելով «Ազատություն» ռադիոն:
Հիշեցնենք, որ Քեթրին Էշթոնը Ուկրաինա էր այցելել անցյալ շաբաթ` կառավարության եւ ընդդիմության միջեւ երկխոսությանը նպաստելու համար: Նա նախատեսում է այս շաբաթ կրկին Կիեւ այցելել:
