Ազգային ժողովի «Բարգավաճ Հայաստան» խմբակցության պատգամավոր Ռուստամ Գասպարյանը այսօր կհրապարկի իր որոշումը՝ ԲՀԿ-ում մնալու, հեռանալու մասին: Այս մասին NEWS.am-ի թղթակցի հետ զրույցում ասաց Ռուստամ Գասպարյանը:
Նա նշեց, որ առայժմ որոշման կայացման փուլում է, քննարկում է այն իր թիմի, գործընկերների հետ: «Այսօր եմ որոշելու, հայտարարություն կտարածեմ»,-ասաց նա:
Ռուստամ Գասպարյանը չասաց՝ ինչի է հակված՝ դուրս գալ, թե մնալ ԲՀԿ-ում: Հարցին, թե խնդիրներ ունի ԲՀԿ առաջնորդի հավանական թեկնածու Նաիրա Զոհրաբյանի հետ, Ռուստամ Գասպարյանն ասաց, որ Նաիրա Զոհրաբյանին շատ հարգում է, իր գործընկերն է:
Հիշեցնենք, որ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը վերահաստատել էր Ռուստամ Գասպարյանի որդու՝ Ռոմա Գասպարյանի նկատմամբ՝ երկամսյա կալանքը որպես խափանման միջոց ընտրելու հարցը: Մեղադրանքը առաջադրվել է ՀՀ քրեական օրենսգրքի 131 հոդվածի 2-րդ մասի 1-ին կետի (մարդուն առեւանգելը, որը կատարվել է մի խումբ անձանց կողմից նախնական համաձայնությամբ) հատկանիշներով: Նրան տեղափոխել էին «Նուբարաշեն» ՔԿՀ: Ավելի ուշ նրա կալանքի ժամկետը չէր երկարացվել:
Ավելի վաղ Ռուստամ Գասպարյանը NEWS.am-ի թղթակցի հետ զրույցում ասել էր հետեւյալը. «Մարդ չի փախցրել իմ տղան: Բողոքողն էլ գալուբոյ է, գալուբոյ տղա է: Էդ գալուբոն 27 տարեկան էշ, ինտերնետներով կապնվում է, 18 տարեկան երեխեքին տանում փչացնում է եւ մեկն էլ իմ տարածքից մի երեխու հետ: Սա էլ դիմում ա, իմ տղեն գնում է դրա հետ հանդիպում, գալիս են, խոսում են, մեծ-մեծ է խոսում, խփում են ու էդ ձեւ սարքեցին առեւանգում, սարքեցին էս ու էն»:
