News
Լրահոս
News
Երեքշաբթի
Նոյեմբեր 20
Տեսնել լրահոսը

Նոր սահմանադրության նախագիծը նեղացնում է գործող սահմանադրությամբ Հայաստանի քաղաքացիների ունեցած իրավունքները՝ սեփականությունից մինչեւ հավաքների իրավունք, եւ ընդունվելու դեպքում զրկելու է ժողովրդին այս կամ այն դեպքում Սահմանադրության դրույթներին հղում անելու իրավունքից: Այս մասին այսօր՝ հոկտեմբերի 30-ին, սահմանադրական փոփոխությունների դեմ քաղաքական ուժերի դեմ ձեւավորած երեւանյան հանրահավաքին ասաց «Չեք անցկացնի» նախաձեռնության անդամ Հրայր Մանուկյանը:

«Իրականում նոր Սահմանադրությունը նպատակ ունի երկրում սահմանել հակասահմանադրական կարգ, որով կվերացվեն երկրում դեռեւս պահպանված` Սահմանադրության պատառիկները»,- ասաց Հրայր Մանուկյանը:

Հիմնադիր խորհրդարանի փոխնախագահ Վարուժան Ավետիսյանը նշեց, որ սահմանադրական հանրաքվեն երկրի իրական ընդդիմությանը եւ ժողովրդի համախմբվելու առիթ է տալիս, ինչի համար նա կոչ արեց անպայման մասնակցել դեկտեմբերի 1-ին «Նոր Հայաստան» հանրային փրկության ճակատի նախաձեռնած հանրահավաքին։

«Մենք պետք է միավորվենք եւ վարչախմբի ստեղծած ծուղակն իր համար ծուղակ դարձնենք: Դեկտեմբերի 1-ից անհնազանդությամբ երկու հարց պետք է լուծենք՝ հեռացնել գործող վարչախումբը եւ դեկտեմբերի 6-ին «Ոչ» ասել սահմանադրական փոփոխություններին: Պետք է ստեղծենք այնպիսի իրավիճակ, որ ընդիմությունը եւ ժողովուրդը դառնան ուժի բեւեռ»:

Վարուժան Ավետիսյանը համոզմունք հայտնեց, որ ցանկության դեպքում հնարավոր է անել այնպես, որ գործը սահմանադրական հանրաքվեին չասնի:

Նշենք, որ հանրահավաքից առաջ Հրայր Մանուկյանը հայտարարեց, որ անձրեւի պատճառով որոշ փոփոխություններ են մտցվել հանրահավաքի ու դրան հաջորդելիք երթի ծրագրերում: Ելույթները կլինեն կարճ, կհրապարակվեն ֆեյսբուքում, իսկ երթի վերաբերյալ փոփոխության մասին Հրայր Մանուկյանը խոստացավ տեղեկացնել հանրահավաքի վերջում:

Նշենք, որ «Ոչ»-ի ճակատին միացել են «Ժառանգություն», ՀԺԿ, Հայ Ազգային Կոնգրես կուսակցությունների եւ «Հիմնադիր խորհրդարանի» ներկայացուցիչները:

Սահմանադրական փոփոխությունների հանրաքվեն տեղի կունենա դեկտեմբերի 6-ին: Հանրաքվեի քարոզարշավը հոկտեմբերի 10-ից սկսվել է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սերժ Սարգսյան. Սահմանադրական փոփոխությունները բանակի մարտունակության վրա միայն դրական են ազդելու
Պաշտպանության նախարարությունում պետք է ծառայեն այն տղաները, ովքեր իրենց քաջաբար են դրսեւորել...
ԼՂՀ Սահմանադրական բարեփոխումների հանրաքվե. ՀՅԴ-ն ակտիվ «դեմի» քարոզարշավ չի կազմակերպի, Խանումյանը մենակ մնա՞ց
Սահմանադրական բարեփոխումների նախագծին դեմ են քվեարկել երկու խմբակցություն` «Դաշնակցությունն» ու «Վերածնունդը»...
ՄԻՊ-ը հրապարակել է սահմանադրական հանրաքվեի վերաբերյալ զեկույցը
Ընտրական գործընթացին առնչվող հանցանքների քննության հետ կապված նշված պրակտիկան արդյունավետ չէ նման իրավախախտումները կանխարգելելու տեսանկյունից․․․
Սահմանադրական հանրաքվեի կեղծարարներն ընդամենը տուգանքով ազատվեցին. Զուրաբյան
Զուրաբյանը հիշեցրեց, որ Գլխավոր դատախազության տվյալներով՝ 2015-ի դեկտեմբերի 6-ի հանրաքվեում խախտումների մասին 597 ահազանգ է ստացվել...
Շիրակ Թորոսյանը սահմանադրական փոփոխությունների մասին. Հայաստանում ու Ղարաբաղում իրավիճակը նույնը չէ
ԼՂՀ նոր Սահմանադրության հայեցակարգը ենթադրում է անցում կառավարման նախագահական ձեւին...
Բակո Սահակյանը կուսակցությունների հետ քննարկել է սահմանադրական բարեփոխումները
Հանդիպմանը ներկա էին ԼՂՀ ԱԺ նախագահ Աշոտ Ղուլյանը, պաշտոնատար այլ անձինք...
Ամենաշատ
Partner news