Իտալիան պատրաստվում է հնարավոր ռազմածովային առաքելության՝ ապահովելու իր նավերի անվտանգ անցումը Բաբ էլ-Մանդեբի նեղուցում անվտանգության վերաբերյալ աճող մտահոգությունների պայմաններում, հայտարարել է պաշտպանության նախարար Գուիդո Կրոզետոն, հաղորդում է Reuters։

Կրոզետոն հայտարարել է, որ ինքը և բանակի գլխավոր շտաբի պետը պայմանավորվել են մոբիլիզացնել ռազմածովային նավատորմը՝ նախապատրաստելու «ամեն անհրաժեշտը» իտալական նավերի անվտանգ տարանցումն ապահովելու համար՝ պնդելով, որ աճող ծովային ռիսկերին արձագանքելու ուշացումները կարող են ուղղակի հետևանքներ ունենալ տնտեսության համար։