Մալիի մայրաքաղաք Բամակոյի  կենտրոնում գտնվող Radisson հյուրանոցում ավազակները  170 մարդ են պատանդ վերցրել: Նրանցից 140-ը հյուրանոցի կենվորներ են, իսկ 30-ը` աշխատակիցներ, տեղեկացնում է radio france-ը:

Ռադիոյի տվյալների համաձայն, ահաբեկիչները հյուրանոցին են մոտեցել  դիվանագիտական համարանիշներով մեքենաներով եւ «Ալլահ Աքբար» բացականչությունների տակ օդ են կրակել Կալաշնիկով ինքնաձիգներով: 

Տեղեկություններ են ստացվում, որ կան սպանվածներ, նրանցից մեկը հյուրանոցի պահակն է: Ահաբեկիչներն առայժմ պահանջներ առաջ չեն քաշել: 

Ավելի վաղ հաղորդվել էր, որ Մալիի մայրաքաղաք Բամակոյում ահաբեկիչները հարձակվել են Ռեդիսոն հյուրանոցի վրա http://news.am/arm/news/297416.html, որում հիմնականում տարբեր կազմակերպություններում աշխատող եվրոպացիներ են ապրում: 

Հյուրանոցում են ֆրանսիական պատվիրակություններ, ինչպես նաեւ իմամների մեծ քանակություն, որոնք պիտի մասնակցեն արմատական իսլամի դեմ համաժողովի: 

Շենքը շրջապատված է անվտանգության ուժերով: