Դատապաշտպան Լուսինե Սահակյանը, որը ներկայացնում է Գյումրիում սպանված Ավետիսյանների իրավահաջորդների շահերը, հուլիսի 8-ին կայացած դատական նիստում միջնորդություն է ներկայացրել դատավոր Հարություն Մովսեսյանի ինքնաբացարկի մասին:
Հիմնավորելով իր միջնորդությունը, Լուսինե Սահակյանը հայտարարել է, որ դատավորը չի կարող օբյեկտիվ հետաքննություն անցկացնել ու նրա կաշկանդվածությունն ակնհայտ է: «Դա առաջ էլ էր նկատելի: Սակայն հատկապես դրսեւորվեց անցած նիստի ժամանակ»,- ասել է փաստաբանը:
Հիշեցնենք, որ ավելի վաղ դատավորը բավարարել էր միջնորդությունը քաղաքացիական հայցի մասին, որի պատասխանող կողմի դերում ՌԴ-ն էր: «Դուք մեկ ամիս առաջ բավարարել եք միջնորդությունը՝ քաաքացիական հայցը թարգմանելու ու ՌԴ ուղարկելու համար: Այն հարցը՝ արդյոք հայցը թարգմանվել ու ուղարկվել է, մնացել է անպատասխան, սակայն հայտնի է, որ անցած նիստի ժամանակ միջնորդությունն անսպասելիորեն մերժվել է»,- նկատել է փաստաբանը: Ընդ որում նրա խոսքով դատավորի որոշումը վկայում է այն մասին, որ նա անգամ չի բարեհաճել ծանոթանալ հայցի բովանդակությանը:
Նրա խոսքով, ակնհայտ է, որ դատավորն այդ որոշումը կայացրել է ոչ ինքնուրույն: Ավելին, փաստաբանի կարծիքով, դատավարությունը հաստատել է, որ Հայաստանի Հանրապետությունը չի կարողանում նույնիսկ փոքր գործողություն ձեռնարկել ՌԴ դեմ:
Փաստաբանը հիշեցրել է, որ դատավարությունը ռազմակայանի տարածքում անցկացնելն արդեն իսկ անընդունելի էր, իսկ դատավորի վարքագիծը հաստատում է, որ այդ դատավարությունը կառավարվում է:
Գործընկերոջ միջնորդությանը միացել է նաեւ փաստաբան Միհրան Պողոսյանը: Նա զարմանք է արտահայտել այն հանգամանքով, որ հայցի մասին միջնորդությունը բավարարված է եղել, ու ինչ -որ ձեւով միայն մեկ ամիս հետո է մերժվել:
Միջնորդությունն աջակցել են նաեւ տուժածների իրավահաջորդների մյուս ներկայացուցիչները:
Դատախազը դեմ է արտահայտվել միջնորդությանը: Դատապաշտպանը հայտարարել է, որ ձեռնպահ կմնա:
Ամբաստանյալը միացել է դատապաշտպանի կարծիքին:
Դատավորը հայտնել է, որ միջնորդության մասին որոշումը կհրապարակի հուլիսի 12-ին: Պարզվել է, որ ամբաստանյալի դատապաշտպանը արձակուրդ է գնում, իսկ տուժածների շահերը ներկայացնող փաստաբանները զբաղված են այլ դատավարություններով: Սա սակայն, չի փոխել դատավորի որոշումը: Նրա որոշումը կհրապարակվի հուլիսի 12-ի կեսօրին:
