Քաղցկեղից մահացության ցուցանիշով Հայաստանը երկրորդ տեղում է՝ Զիմբաբվեից հետո։ Երեւանում անցկացվող «Հայաստանը 25 տարի անց. հիմա ի՞նչ» միջազգային համաժողովում ունեցած ելույթում այս մասին հայտարարել է Քալիֆորնիայի համալսարանի պրոֆեսոր Շանթ Շխրտմյանը։
Ըստ նրա՝ պատճառը ֆինանսական պայմաններն են։ «Հայաստանին համապատասխան սարքավորումներ են պետք եւ այլն։ Այդ ամենը մեծ դեր է խաղում Հայաստանում քաղցկեղից մահացության շատ բարձր մակարդակի հարցում»,- ասել է Շխրտմյանը՝ ընդգծելով, որ հայ հասարակությունը լավ տեղեկացված է այդ հիվանդության մասին։