ԱՄՆ-ում վաճառվել է Էլվիս Փրեսլիին պատկանող օդանավը: Քալիֆորնիայում կայացած աճուրդում այն վաճառել են 430.000 դոլարով: Գնորդի անունը, ինչպես նաեւ օդանավի հետ կապված նրա հետագա ծրագրերը հայտնի չեն:
Ըստ AP-ի՝ 1962 թվականին թողարկված Lockheed JetStar օդանավը 35 տարի շարունակ կանգնած է եղել Նյու Մեքսիկո նահանգի օդանավակայանի թռիչքուղում: Ինքնաթիռի սրահում բազկաթոռները պատված են կարմիր թավիշով, ինտերիերը փայտյա է: Դիզայնն արվել է երգչի պահանջներին համապատասխան:
Օդանավը շարժիչ չունի, վերանորոգման կարիք ունի նաեւ օդաչուների խցիկը:
