Իտալիայում ամփոփվել է պաղպաղակ արտադրողների Gelato World Tour մրցույթը, գրում է Lenta-ն։
Առաջին տեղը զբաղեցրել է իտալացի Ալեսանդրո Քրիսպինին, որը պիստակով պաղպաղակ է պատրաստում։ Նրա խոսքով՝ պաղպաղակի համար օգտագործվել են սիցիլիական պիստակների երեք տեսակներ։
Երկրորդ տեղը շնորհվել է Գիդո ու Լուկա դե Ռոկկոներին, որոնք Գերմանիայում են բնակվում։ Նրանք ներկայացրել էին խաղողի սորբետ՝ կարամելիզացված ընկույզով։
Մրցույթին ընդամենը մասնակցել է 19 երկրներից պաղպաղակի 36 արտադրող , որոնք հաղթել էին նախընտրական փուլերում։ Մրցույթի եզրափակիչ փուլն անցկացվել է Ռիմինիում ՝ սեպտեմբերի 8-10-ը։