Ավստրիայում դատարանը տղամարդուն 14 ամսվա պայմանական ազատազրկման է դատապարտել հականացիստական օրենքների խախտման համար։ Նա սոցցանցում գրառում էր հրապարակել՝ կոչ անելով բացել հիտլերյան դարաշրջանի համակենտրոնացման ճամբարներ եւ այնտեղ միգրանտներին սպանել՝ թունավորելու միջոցով։

Տղամարդը գրել էր «Եթե հնարավոր է, նորից բացեք Մաուհաուզենն ու միացրեք գազը»։ Դատարանում նա հայտնել է, որ դա գրել էր ոգելից խմիչքի ազդեցության տակ ու նացիստական քարոզչություն տարածելու մտադրություն չի ունեցել։

Քլագենֆուրթ հարավային քաղաքի դատարանի վճռով նա նաեւ կտուգանվի 1200 եվրոյի չափով։