Հետազոտողները պարզել են, որ հին Իռլանդիայի բնակիչները թաղումից առաջ իրականացնում էին հանգուցյալի «մարմնի դեկոնստուկցիայի» ծիսակարգը, որպեսզի ամրապնդեին համայնքի կապը նրա հոգու հետ, հայտնում է Leitrim Obeserver-ը։

Գիտնականները հետազոտել են 1911-ին հայտնաբերված ոսկորները, որոնք  ենթադրաբար պատկանում էին մ․թ․ ա 3500-2900 թթ․ապրած մարդկանց։ Ընդամենը հետազոտվել է 40 մարդու ոսկորներ, որոնք հայտնաբերվել էին Իռլանդիայի յոթ դամբարաններում։

«Մենք ոսկորների վրա հայտնաբերել ենք քարե գործիքների հետքեր՝ ուսերի, դաստակի, ազդրերի ու այլ հանգույցների տեղերում»,- հայտնել է անատոմիայի պրոֆեսոր Ջոնի Հերբերը։

Հետազոտողները ենթադրում են, որ դա վկայում է այն մասին, որ նախնադարյան հասարակությունում տարածված է եղել թաղման բարդ ծիսակարգ, որի ժամանակ ուշադրություն է դարձվել «մարմնի դեկոնստրուկցիային»։

Աճյունների կրկնակի անալիզը օգնել է բացահայտել այդ ծիսակարգերի ամբողջ բարդությունն ու բազմազանությունը։ Չնայած նման նախապատմական ծիսակարգերի ապացույցներ հայտնաբերվել էին նաեւ Մեծ Բրիտանիայում, բայց սա այդ նույն ժամանակաշրջանում Իռլանդիայի տարածքում գործածվող նման մեթոդների մասին առաջին ամփոփուն հետազոտությունն է։