Ճանապարհորդների համար նախատեսված TripAdvisor ծառայությունը օգտատերերին կտեղեկացնի հյուրանոցների մասին, որոնք հեռացնում են վատ արձագանքները եւ սեռական ոտնձգությունների մասին հաղորդագրությունները, հայտնում է Engadget-ը: Հյուրանոցի վարկանիշը ցույց տվող հատուկ նշանը կտեղադրվի սեռական ոտնձգությունների մասին բողոքները ստուգելուց հետո:
Համացանցային ծառայությունն այս նորամուծությամբ է որոշել դուրս գալ սկանդալային իրավիճակից. մի քանի տարի առաջ լրագրողներին դիմած կայք այցելողների մի մասը հայտարարել էր, որ TripAdvisor-ը հյուրանոցների եւ հյուրանոցային ցանցերի էջերից հեռացնում է սեռական ոտնձգությունների վերաբերյալ «անցանկալի» արձագանքները:
Լյուքս հյուրանոցներում բռնության հետ կապված սկանդալների շարքը սկբնավորվել է 2010 թվականին: Ըստ որում՝ հյուրանոցային ցանցերի դեմ որպես հիմնական մեղադրանք այցելուները նշում էին սպասարկող անձնակազմի կողմից սեռական ոտնձգությունների մասին. հայտնի դեպքերի մեջ են մտնում հսկիչներին եւ մերսողներին ներկայացվող պահանջները:
