Թուրքիան հույս ունի հնարավորինս արագ իրականացնել ՌԴ-ի հետ Ս-400 զենիթահրթիռային համակարգերի մատակարարման պայմանագիրը, տեխնիկական մանրամասները կքննարկվեն Սոչիում ՌԴ եւ Թուրքիայի նախագահների բանակցությունների ժամանակ։ Այդ մասին հայտնել է Թուրքիայի առաջնորդ Թայիփ Էրդողանը ՌԴ նախագահ Վլադիմիր Պուտինի հետ բանակցությունների ավարտին փոխանցում է «ՌԻԱ Նովոստին»։
«Ս-400-ի առնչությամբ մենք Ռուսաստանի հետ պայմանավորվել ենք, փաստաթղթերը ստորագրված են։ Կան որոշ տեխնիկական մանրամասներ, մենք դրանք կքննարկենք մեր, այդ թվում նաեւ Պաշտպանության նախարարության մասնագետների հետ իմ այցի շրջանակներում։ Ուզում ենք քայլեր ձեռնարկել, որ հնարավորինս շուտ այն կյանքի կոչվի»,- ասել է Էրդողանը։
Մոսկվան ու Անկարան պայմանավորվել են Թուրքիա ռուսական Ս-400 համակարգեր մատակարարելու հարցով եւ պայմանագիր են ստորագրել։ Այդ մասին սեպտեմբերին հաղորդել է ՌԴ Ռազմատեխնիկական համագործակցության դաշնային ծառայության մամուլի ծառայությունը։ Էրդողանը հայտարարել է, որ Անկարան Ս-400 համակարգերի համար առաջին ներդրումն արդեն կատարել է։
